Малку се милијардерки кои целосно сами го стекнале своето богатство, како што тоа го направи Ријана – која неодамна беше прогласена за најмладата милијардерка која сама го стекнала богатството во САД. Сепак, и покрај фактот што многу многу богати жени во светот наследиле добар дел од нивната империја, нивната амбиција, чувство за бизнис и „талент“ да ги задржат сите тие пари не можат да бидат спорни.
Објавена е и листата на најбогати жени на планетата за 2022 година, а на првото место повторно се најде Франсоаз Мејерс Бетенкур (69), внука на основачот на Лореал, чија нето вредност се проценува на 74,8 милијарди долари.
Второто место го зазеде Алис Волтон (72), ќерката на основачот на Волмарт, со богатство вредно 65,3 милијарди долари, а веднаш зад неа е Џулија Кох (60), која заедно со трите деца од неа ја наследи империјата Koch Industries од нејзинот сопруг. Нејзиното лично богатство е 60 милијарди долари.
На листата е и Мекензи Скот (52), писателка и филантроп, поранешна сопруга на основачот на Amazon, Џеф Безос. Нејзиното богатство вреди 43,6 милијарди долари. Мекензи е позната и по тоа што донира големи суми пари, па дури има и 25% удел во гигантот за е-трговија.
Жаклин Марс (82), која поседува една третина од компанијата Марс, најголемиот светски производител на слатки, е на петтото место на листата на најбогати жени во светот. Тој поседува имот во износ од 31,7 милијарди долари. По нејзе е најбогатата Австралијка, „тешка“ 30,2 милијарди долари. Во прашање е Џина Рајнхарт (68), наследничка на компанијата Hancock Prospecting..
Миријам Аделсон (76) е вдовица на Шелдон Аделсон, поранешен извршен директор и претседател на казиното Лас Вегас Сендс, кој почина во јануари 2021 година, на 87-годишна возраст. Миријам има богатство вредно 27,5 милијарди долари.
Сузан Клатен (60) е моќна бизнисменка зад BMW, поточно поседува 19% од акциите во тој производител на автомобили. Проценетата вредност на нејзиниот имот е 24,3 милијарди долари.
Ирис Фонтбона (80), вдовица на Андронико Лукшиќ, кој своето богатство го заработил во рударството и бизнисот со пијалоци, пред да умре од рак во 2005 година. Се проценува дека имотот на Ирис е во вредност од 22,8 милијарди долари.
Абигејл Џонсон (60), извршен директор на Fidelity Investments од 2014 година, кога ја презеде функцијата од нејзиниот татко. Нејзиниот имот е во вредност од 21,2 милијарди долари.
