Министерката за рударство и енергетика на Србија Зорана Михајловиќ денеска изјави дека шестиот пакет санкции на Европската унија против Русија значи дека од 1 ноември повеќе нема да може да се купува сурова нафта од таа земја и рече дека „ Нафтената индустрија на Србија“ ќе мора да набавува нафта од други добавувачи на пазарот, пренесува Танјуг.
Михајловиќ изјави дека тоа делумно се случувало до сега и посочи дека смета дека тоа нема да влијае на пазарот во Србија.
„Шестиот пакет санкции на ЕУ предвидува забрана за увоз на руска сурова нафта по 1 ноември. По овој период сурова нафта ќе може да се снабдува само од слободниот пазар. За оваа одлука знаеме два месеци и правиме се што можеме да најдеме начин да спречиме пореметувања на нашиот пазар и верувам дека ќе успееме“, рече Михајловиќ, одговарајќи на прашања на новинарите во Крушевац, информираат од Министерството. за рударство и енергетика..
Таа рече дека за претстојната зима ќе бидат издвоени повеќе од три милијарди евра за обезбедување енергенси.
