Траудл Енгелхорн-Векијато почина во септември на 95-годишна возраст и остави имот вреден повеќе милијарди долари на нејзината внука Марлен Енгелхорн.
30-годишната наследничка, која живее во Австрија, вели дека не е заинтересирана за наследството што дошло од хемиската компанија на нејзиното семејство, кое се проценува на 4,2 милијарди долари.
– Сценариото што го посакувам е да бидам оданочена – изјави Марлен за Њујорк Тајмс, а пренесува РТС.
Енгелхорн решила да отстапи 90 отсто од своето наследство, а најмногу би сакала државата да ги земе парите за да ги прераспредели што е можно подобро.
Богатата наследничка се осврна и на своето богатство во интервју за Vice News минатата година, велејќи дека „ниту еден човек не треба да има толку многу пари и моќ“.
When her wealthy grandmother died last month, Marlene Engelhorn knew who she wanted to benefit from her large inheritance: the tax man.
The 30-year-old, who grew up in Vienna, is calling for structural change to how the ultrarich are taxed.https://t.co/n16dhzSLF0 pic.twitter.com/GWclnO8E1Z
— The New York Times (@nytimes) October 21, 2022
Знаејќи дека еден ден ќе наследи огромно богатство, Енгелхорн го помина поголемиот дел од последната деценија застапувајќи се за зголемени даноци, така што нејзиното богатство ќе биде намалено и прераспределено од државата.
За таа цел, Марлен го основа „Tax Me Now“, здружение на богати луѓе од Германија кои бараат поголемо оданочување на нивните приходи и богатство.
