Toyota Motor Corp во понеделникот соопшти дека нејзиното глобално производство на возила се зголемило за 1,5% во ноември на рекордни 833.104 единици.
Компанијата, исто така, објави пад од 3,3% на локалното производство на 266.174, додека производството надвор од Јапонија достигна 566.930 единици, што претставува зголемување од 3,8%.
„Ситуацијата останува тешко да се предвиди поради недостигот на полупроводници и Ковид-19. Сепак, ние ќе продолжиме внимателно да ја следиме ситуацијата со снабдувањето со делови и да ги минимизираме ненадејните намалувања на производството колку што е можно повеќе, додека се стремиме да испорачаме што е можно повеќе возила на нашите клиенти во најкус можен рок“, велат од компанијата.