Американскиот IBM стана најновиот технолошки гигант кој најави намалување на илјадници работни места.
Компанијата во средата соопшти дека ќе бидат укинати 3.900 работни места. Овој потег ќе го чини IBM околу 300 милиони долари овој квартал, потврди портпаролот на компанијата.
Засегнатите единици се Kyndryl, бизнис со ИТ инфраструктурни услуги, кој официјално беше отфрлен од IBM во ноември, и делот за здравствена аналитика на IBM, инвестициска фирма во процес на купување.
Веста, како што истакнува CNN, доаѓа кога другите големи технолошки компании ја намалуваат работната сила ширум светот како одговор на мрачните глобални економски изгледи. Минатата недела, матичната компанија на Google Alphabet и Microsoft објавија отпуштања на 12.000 и 10.000 работници, соодветно.
Тоа ги следи сличните планови изнесени од Amazon и Salesforce, кои исто така ќе укинат илјадници работни места, со повеќе од 18.000 вработени погодени само во гигантот за е-трговија.
Портпаролот на IBM изјави за Си-Ен-Ен во средата дека намалувањата на компанијата се „целосно поврзани со реорганизацијата на двете засегнати деловни единици, а не со акција заснована на перформансите во 2022 година или очекувањата во 2023 година“.
