Иако богатството на Арно е убедливо најголемо – според проценките на Форбс на 214,8 милијарди долари – неколку други модни ко-основачи и претседатели, исто така, собраа огромно богатство.
Петте најбогати милијардери во модата се сите во топ 40 на листата на Форбс за најбогати милијардери. Постои голема разлика по Арно до вториот најбогат милијардер во модата, титула која му припаѓа на основачот на Inditex Амансио Ортега, чија работа во популарните линии облека како Зара и Бершка му донесе богатство од 76,2 милијарди долари, според најновите проценки на Форбс.
На третото, четвртото и петтото место на листата на најдобри модни милијардери е Фил Најт, ко-основач и претседател на компанијата Најк, чија нето вредност Форбс ја проценува на 47,1 милијарди долари, Франсоа Пино, основач на луксузната групација Керинг, чие богатство се проценува на 40,7 милијарди долари и Ален и Џерард Вертхајмер, двајца браќа кои партнерски го поседуваат Шанел и чие богатство поединечно се проценува на 34,4 милијарди долари. Вертхајмеровите се рангирани на 38-то место на листата на милијардери на Форбс, додека Пино е на 28-то место, Најт е на 26-то место, а Ортега е на 14-то место.
Вреди да се напомене дека овие бројки малку се разликуваат во индексот на милијардери на Блумберг, кој ги наведува Вертхајмер како трети најбогати милијардери во модата со нето богатство од 49,1 милијарди долари, на 26-то и 27-то место на нивната листа. Во рангирањето на Блумберг, Пино е петти најбогат моден милијардер со 42,9 милијарди долари и 30 на нивната листа, Најт (и семејството) се четврти најбогати со 46,7 милијарди долари и се рангирани на 28 на нивната листа, а Ортега и Арно и понатаму го држат бр. 2, односно број 1 со нето богатство од 62 милијарди долари и 193 милијарди долари.
Фото:Pixabay
