Фармацевтската компанија Pfizer е во рани преговори за купување на производителот на лекови Seagen, објави Wall Street Journal доцна во неделата, цитирајќи инсајдерски информации.
Seagen има пазарна вредност од околу 30 милијарди долари и се очекува да има дополнителна премија во однос на тоа вреднување, се вели во извештајот, додавајќи дека преговорите се уште се во прелиминарна фаза.
Pfizer и Seagen одбија да ги коментираат наводите за Ројтерс.
Seagen беше во напредни разговори минатата година за преземање од страна на Мерк, во договор кој би бил вреден 40 милијарди долари или повеќе, но двете страни не успеаја да постигнат договор во тоа време.
Seagen е американска биотехнолошка компанија која го освои својот удел на пазарот во производството на иновативни лекови против рак.
