Според новиот извештај на аналитичката компанија Canalis, уредите за носење на глобалниот пазар забележале голем пад во последниот квартал од минатата година.
Бројките покажуваат дека во периодот меѓу октомври и декември биле испорачани 50 милиони уреди, што е сериозен пад од 18 отсто – најмногу откако биле евидентирани и анализирани уредите за носење (Q1 2020 година).
Сите пет гиганти – Apple, Xiaomi, Huawei, Samsung и Google забележаа пад на испораките, кога се споредуваат кварталите на годишно ниво, а само Apple е во плус кога се пресметуваат бројките за цела година.
Canalys ја наведе „предизвикувачката макроекономска средина во четвртиот квартал“ како главна причина за севкупниот пад. Apple остана лидер, бидејќи нивниот паметен часовник е стандардниот избор за сите корисници на iPhone, додека Google успеа да остане на второто место благодарение на Pixel Watch, и покрај падот на Fitbit уредите од 25%.
Canalys ги дели носечките уреди во три категории – базични нараквици, основни часовници и паметни часовници. Она што треба да се забележи е дека иако оваа поделба има смисла, разликите помеѓу овие уреди стануваат се помали со секој нов уред. Canalys предвидуваше дека паметните часовници ќе пораснат за околу 10 проценти, но сепак, намалениот интерес за основните модели влијаеше пазарот на уредите за носење да регистрира скромен раст од само 2 отсто.
