Европските акции денеска се во пад, додека акциите на банката Credit Suisse паднаа за повеќе од 60 отсто откако швајцарската банка UBS се согласи да ја купи за 3,23 милијарди долари (околу три милијарди евра).
Паневропскиот индекс STOXX 600 падна за 0,8 отсто на отворено, откако во петокот го забележа најголемиот неделен пад оваа година, пренесува Ројтерс.
Акциите на Credit Suisse паднаа за 62,3 отсто, по најавата дека ќе ја преземе UBS, а акциите на UBS паднаа за 8,8 отсто.
Инвеститорите беа вознемирени од веста дека обврзниците АТ1, со номинална вредност од 17 милијарди долари, ќе бидат проценети на нула, што ги налути некои сопственици на долгови кои мислеа дека ќе бидат подобро заштитени од акционерите.
Поширокиот европски банкарски индекс падна за 3,2 отсто, достигнувајќи го најниското ниво во последните три месеци.
Фото: Facebook