Јавниот долг во Германија достигна нов максимум на крајот на минатата година, објави во средата Сојузниот завод за статистика. На крајот на 2022 година, државата, покраините и локалните самоуправи, според прелиминарните податоци, биле задолжени околу 2,37 милијарди евра.
Со тоа, долгот беше за два отсто поголем од претходната година. На крајот на минатата година изнесуваше 28.155 евра по жител.
Федералниот долг се зголеми за 4,6 отсто. Долгот порасна поради зголемената потреба за финансирање – државна помош за време на пандемијата, а потоа и поради енергетската криза, објаснуваат статистичарите.
Од друга страна, на крајот на 2022 година, провинциите беа за пет проценти помалку задолжени од претходната година. Со исклучок на Саксонија-Анхалт, сите држави го намалија својот долг. Долговите на општините на крајот на минатата година се зголемени за 4,4 отсто.
