Туркменските власти најавија дека ќе потрошат речиси пет милијарди долари за изградба на град што ќе го носи името на моќниот човек Гурбангули Бердимухамедов.
Со оваа земја, која се граничи со Каспиското Езеро, владее семејството Бердимухамедов повеќе од 16 години.
Гурбангули бил поранешен стоматолог кој станал автократ. Сепак, тој официјално се повлече од функцијата претседател на поранешната советска држава минатата година. Него на чело го замени синот Сердар.
Но, 65-годишникот, познат по својот култ на личност, ја носи титулата „Аркадаг“ (заштитник на херојот) и продолжува да доминира во земјата. Нов град на 30 километри (18 милји) надвор од главниот град Ашгабат ќе биде именуван по него, пренесува Аваз.
– Првата фаза од изградбата на градот Аркадаго чини 3,3 милијарди долари. Втората фаза ќе чини околу 1,5 милијарди долари, според нашите проценки – рече Дерјагелди Оразов, функционер на чело на државниот комитет задолжен за нејзината изградба.
БДП на Туркменистан е околу 45 милијарди долари, според Светската банка. Голем дел од своето богатство го добива од огромните резерви на гас.
Групите за човекови права го обвинија Туркменистан дека троши пари од својот профит од гасот на раскошни проекти кои не му користат на населението. Претседател, 41-годишниот Сердар владее во сенката на својот татко.