Инфлацијата во Германија падна помалку од очекуваното во март, и покрај остриот пад на трошоците за енергија, намалувајќи ги надежите за брзо олеснување на пошироките ценовни притисоци низ еврозоната.
Усогласениот раст на потрошувачките цени во Германија во март беше 7,8 отсто на годишно ниво, значително помалку од 9,3 отсто минатиот месец, но повисок од 7,5 отсто прогнозирани од економистите во анкетата на Ројтерс.
Проценката за инфлацијата во Германија ја објави статистичката служба Дестатис неколку часа по извештајот дека инфлацијата во март во Шпанија е речиси преполовена, од шест на 3,1 отсто. Европската централна банка сега размислува дали да го паузира зголемувањето на каматните стапки на состанокот во мај.
Германските државни обврзници се распродадоа по објавувањето на податоците за инфлацијата. Приносите на двегодишниот долг се зголемија за 0,08 отсто на 2,7 отсто, бидејќи инвеститорите предвидуваат дека трошоците за задолжување во еврозоната ќе мора дополнително да се зголемат.