Акциите на Airbnb паднаа за дури 5,65 отсто во изминатите 24 часа, откако беше објавен извештај во кој се испитуваат непријатните искуства на клиентите за време на престојот резервиран преку платформата за краткорочно изнајмување.
Според извештајот на The Bear Cave, многу непријатни инциденти на гости кои престојуваат во сместувањето во Airbnb се снимени на интернет, вклучувајќи на пр. ненадејни барања за чистење на собите или откажување во последен момент, како и бројни примери на гости кои пронашле скриени камери во спални и бањи, пренесува Ројтерс.
Приходите на Airbnb во 2022 година пораснаа за 40 отсто во споредба со претходната година, а тоа беше и најпрофитабилната година на компанијата во историјата. Компанијата со седиште во Сан Франциско пријави 16 отсто зголемување на активните огласи во четвртиот квартал од 2022 година во споредба со истиот период во 2021 година.
Бројот на ноќевања е зголемен за 20 отсто во однос на претходната година, но сепак се пропуштаат претходните проценки на аналитичарите.
Претходно оваа година, туристичките компании изјавија дека допрва треба да забележат пад на побарувачката и покрај загриженоста за забавување на економијата.
Некои од највисоко оценетите издавачи за сместување на платформата оттогаш се разгранија и изградија свои платформи за резервации и почнаа да објавуваат поевтини понуди.
Фото:Pixabay