Приказната за Android vs Apple секогаш ќе биде актуелна, а најновите бројки откриваат дека едната страна ќе биде многу позадоволна оваа година.
Според последниот извештај што излезе од Consumer Intelligence Research Partners (CIRP), во последните 12 месеци Apple доби повеќе корисници од Android платформата отколку во кое било друго време во последните пет години.
CIRP откри дека од март 2022 до март 2023 година, 15% од купувачите на iPhone посочиле дека се префрлиле од телефон со Android.
Ова е уште еден доказ дека Apple секој ден станува сè попопуларен од Android. Познатиот портал TechRadar открива пет можни причини зошто е тоа така. Па да видиме кои се тие причини.
1. Подолга софтверска поддршка
TechRadar наведува дека беспрекорната софтверска поддршка за iPhone е една од неговите главни предности во однос на уредите со Android. Apple обично обезбедува софтверска поддршка за iPhone пет или шест години, а сите ажурирања се редовни. Андроид телефоните, од друга страна, не се поддржани толку долго, иако Samsung во последно време многу напредува во таа област.
2. iPhone нуди подобра вредност при препродажба
Ајфоните се дефинитивно попаметна инвестиција за оние кои постојано ги менуваат телефоните затоа што имаат пристојна вредност долго време. Цената на телефоните со Android драстично опаѓа со текот на годините по нивното претставување.
3. iPhone нуди iMessage
TechRadar вели дека причината за iMessage оди подалеку од едноставното испраќање пораки, но вели дека е тешко да се каже со сигурност што е тоа.
4. iPhone е попопуларен кај младите
Ова е навистина непобитен факт, а една неодамнешна студија укажа на апсолутната доминација на iPhone меѓу младите луѓе.
5. iPhone има подобар избор на апликации
Не станува збор за бројот на апликации, туку за нивниот квалитет. TechRadar истакнува дека има две причини за ова. Првата е дека програмерите на апликации обично заработуваат повеќе пари преку iOS, па затоа имаат приоритет на App Store пред Play Store. Втората е дека App Store нуди поголем избор на професионални апликации за креативност итн.
