Dacia Sandero беше најпродаваниот нов автомобил во Европа во април, пишува Autoblog.
Регистрациите на нови патнички автомобили во Европа скокнаа за 16% во текот на април, на 960.191 возило, според JATO Dynamics.
Најпродаван модел во Европа во април е Dacia Sandero со вкупно 18.659 примероци, што претставува зголемување од 44% во однос на април 2022 година.
Следат Volkswagen T-Roc (16.746 единици), Opel/Vauxhall Corsa (16.578 единици), Renault Clio (15.592 единици) и Peugeot 208 со продадени 15.026 примероци.
Понатаму на листата на најпродавани во април се Fiat/Abarth 500, Toyota Yaris Cross, Volkswagen Golf, Dacia Duster, Škoda Octavia, Kia Sportage, Hyundai Tucson и Ford Puma.
Tesla Model Y останува најпопуларниот електричен автомобил со 10.553 продадени примероци во април, доволно за да ја задржи позицијата на најпродаваниот нов патнички автомобил во Европа во првите четири месеци.
Следните најпродавани ЕВ во април беа Volkswagen ID.4 со 6.452 единици (за 125% зголемување во однос на април 2022 година) и Volkswagen ID.3 со 5.913 продадени возила, што е зголемување од 259% во однос на април минатата година.
Меѓу 10-те најпродавани електрични возила се Škoda Enyaq iV, Dacia Spring, MG 4, Volvo XC40 Recharge, Fiat 500e, Peugeot e-208 и Renault Megane E-Tech.
Што се однесува до plug-in хибридите, најпродаваниот е Ford Kuga со 4.055 примероци во април, пред Volvo XC60, Lynk & Co 01, Kia Sportage и Hyundai Tucson.
Бројките на JATO Dynamics, исто така, откриваат дека минатиот месец во Европа биле продадени помалку возила од кинеско производство отколку што некои претпоставувале. Возилата произведени во Кина сочинуваат само 3,4% од пазарот, со вкупно само 32.000 единици.