Цените на нафтата се искачија на 76 долари во петокот, бидејќи зголемената кинеска побарувачка и намалената понуда од членките на ОПЕК + ја засенија економската загриженост поради зголемувањето на каматните стапки во водечките економии.
Денеска на лондонскиот пазар цената на барелот изнесува 76,61 долари.
На американскиот пазар барелот денеска се тргува по цена од 71,78 долари.
Во четвртокот, поттикот на цените беше скок во преработката во кинеските рафинерии во мај, при што извршниот директор на Kuwait Petroleum Corp процени дека кинеската побарувачка ќе продолжи да расте во втората половина од годината.
Членките на Организацијата на земјите извознички на нафта (ОПЕК) и нивните сојузници дополнително го намалија производството во мај, а Саудиска Арабија во јули ќе го намали за дополнителни милиони барели дневно.
Вистинската цена би била околу 80 долари, изјави во петокот рускиот министер за енергетика Николај Шулгинов, според извештајот на руските државни новински агенции.
