Двајцата најбогати луѓе на светот ручаа заедно во петокот во Париз.
Основачот на Tesla, Илон Маск и Бернард Арно, извршен директор на LVMH, споделија пладневно јадење во Cheval Blanc, синџир на хотели од високата класа, кој е дел од деловната империја на Арно.
Elon Musk, his mom Maye just finished having lunch with Bernard Arnault and his sons Antoine and Alexandre. Power lunching in Paris at Cheval Blanc. On a glorious sunny day. @elonmusk @LVMH @mayemusk @alexarnault #VivaTech pics: Antoine’s Instagram- no details on topics discussed pic.twitter.com/UkCgRY6b8x
— Angelina Rascouët (@arascouet) June 16, 2023
Блумберг и Форбс објавија дека синовите на Арно, Антоан и Александар, како и мајката на Илон Маск, Маја, присуствувале на ручекот, врз основа на фотографиите објавени на Инстаграм профилот на Антоан. Форбс истакнува дека не се знае што имало на менито, ниту кои биле темите на разговор.
Заедничкото богатство на двајцата магнати е околу 426 милијарди долари, според индексот на милијардери на Блумберг. Маск неодамна го надмина Арно и ја врати титулата најбогат човек на светот откако инвеститорите продадоа акции во луксузниот сектор.
По ручекот, Маск зборуваше на настанот Viva Technology во француската престолнина, годишен собир создаден од рекламната агенција Publicis Groupe SA и Les Echos, економски и финансиски дневен весник во сопственост на LVMH.