За време на Светската конференција за вештачка интелигенција (АИ) 2023 година во Шангај, беа потпишани договори за купување и инвестиции во вредност од неколку милијарди, објави China Media Group (CMG).
Ву Јинченг, директор на Општинската комисија за економија и информатичка технологија во Шангај, рече дека на конфееренцијата се потпишани договори со намери за купување во вредност од 11 милијарди јуани (1,5 милијарди долари) и 32 големи инвестициски проекти во вредност од 28,8 милијарди јуани (приближно четири милијарди долари), пишува Бета.
Рекорден број од над 400 компании учествуваа на овогодинешниот настан кој имаше вкупна изложбена површина од 50.000 квадратни метри. Двете бројки се највисоки од 2018 година, кога беше инаугуриран годишниот настан.
На конференцијата се појавија и повеќе од 30 нови производи.
