Адидас неодамна го објави заминувањето на својата единствена жена-членка на извршен одбор, зголемувајќи го егзодусот на жени на високи позиции во вториот по големина производител на спортска облека во светот.
Германската компанија претходно беше на удар на критики поради справувањето со прашањето за „различноста“.
Аманда Рајкумар, глобалниот шеф за човечки ресурси, оваа недела го напушта Адидас, откако реши да не бара продолжување на нејзиниот тригодишен договор кој завршува во декември. Нејзиното заминување е последно во серијата заминувања на високи директори од Адидас, вклучувајќи ја и шефицата за глобален маркетинг Вики Фри, шефицата на глобалната малопродажба Никол Гезали и Селин Дел Генес, која го надгледуваше специјализираниот спортски оддел.
Бројот на жени – членки на двете извршни органи на управување на компанијата, одборот на директори и основните менаџерски групи, е повеќе од преполовен од крајот на 2022 година – од седум на три.
Нејзиното заминување од Адидас е исто така последно меѓу високите директори на спортската групација од доаѓањето на новиот извршен директор Бјорн Гулден на почетокот на 2023 година.
Гулден ја започна реорганизацијата на состанокот на одборот во март, поздравувајќи го главниот директор за продажба и ветеран на Адидас Роланд Аушел, кој е таму 30 години, пишува ФТ.
Шефот на брендовите на групата, Брајан Грави, исто така поднесе оставка бидејќи Гулден сам ја презеде неговата функција.
Рајкумар, британски државјанин чии родители потекнуваат од Карибите, ѝ се придружи на германската компанија во јануари 2021 година за да ја спречи внатрешната тензија поради справувањето со расизмот, различноста и вклучувањето на Адидас.
Нејзината претходничка, Карен Паркин, поднесе оставка во 2020 година, откако ги опиша внатрешните дискусии за расизмот како „бучни“.
Адидас не ја наведе причината за ненадејното заминување на Аманда Рајкумар.
Потсетуваме, германската компанија го раскина партнерството со раперот Је (поранешен Канје Вест), поради неговите антисемитски и расистички изјави на интернет. Кон крајот на минатата година, анонимни вработени го обвинија Адидас дека „замижува“ пред наводното несоодветно однесување на Вест. Покрај тоа, инвеститорите го тужеа и Адидас.
