Големите технолошки гиганти како „Мајкрософт“, „Ватсап“ или „Амазон“ се заканија дека ќе ја напуштат Велика Британија откако во таа земја беа објавени прописите кои се „пресвртна точка“ за заминувањето на овие компании.
Британските регулативи, кои се многу брзо подготвени и наскоро треба да стапат во сила, се нешто за што се загрижени големите технолошки компании. Велика Британија сака да го усвои Законот за безбедност на Интернет, кој би ги пропишувал правилата за работа и високите казни за компаниите во случај на прекршување и Законот за дигитален пазар.
Со оглед на тоа дека моќта би била во регулаторот кој ја надгледува пазарната конкуренција во ОК, технолошките компании веруваат дека ова е преголема слобода за едно тело и дека го загрозува нивниот бизнис.
Законот за безбедност на интернет, чие донесување беше најавено за наесен, пропишува строги правила за следење на содржините на социјалните мрежи со цел да се заштитат децата. Прекршувањата се предмет на високи парични казни, како и затворски казни за поединечни технички менаџери, доколку компаниите не го почитуваат.
Една клаузула која се покажа особено контроверзна е предлогот дека шифрираните пораки, вклучително и оние испратени преку WhatsApp, може да се читаат и да се предадат на полицијата преку платформите на кои се испраќаат, доколку се смета дека претставуваат закана за националната безбедност или за заштита на децата од ризик.
Добротворна организација за деца ги опиша шифрираните апликации за пораки како „првата линија“ каде што се споделуваат слики од злоупотреба на деца, но исто така се смета за клучна безбедносна алатка за активистите, новинарите и политичарите.
WhatsApp, Proton и Signal се заканија дека ќе го напуштат пазарот во Велика Британија токму поради ова барање од новиот закон.
Предлог-законот за дигитални пазари оди и во парламентот. Се предлага британскиот регулатор за конкуренција да ги издвои големите компании како Amazon и Microsoft, да им даде правила што мора да ги следат и да ги казни ако не го прават тоа.
Мајкрософт жестоко реагираше кога Управата за конкуренција и пазари (CMA) одлучи да го блокира купувањето на гигантот за видео игри Activision Blizzard.
„Овде има јасна порака – Европската унија е попривлечно место за започнување бизнис од Обединетото Кралство“, рече извршниот директор Бред Смит.
