Трговскиот експерт Герит Хајнеман (63), кој работи на Факултетот за применети науки Нидерхајн, предвидува крај на продавниците во кои ќе работат луѓето.
„Мораме да се збогуваме со супермаркетите каде што ќе има трговци и касиери бидејќи клиентите ќе ги скенираат сопствените производи на касите за самопослужување“, вели Хајнеман.
Ваквиот начин на работа, вели Хајнеман, е последица на инфлацијата која го принуди трговскиот сектор да ги намали трошоците, пишува магазинот Феникс.
„Кадарот во супермаркетите значително ќе се намали. Продавниците во иднина ќе имаат првенствено безбедност и работници кои ќе ги полнат полиците, кои во основа се потребни само навечер“, вели Хајнеман.
Хајнеман верува дека супермаркетите какви што ги знаеме наскоро ќе станат минато, слично како продавниците во кои сите производи ги давал на купувачот трговец станале минато пред неколку децении.
Трендот на автоматизација влијае и на други области.
„Гледаме промени и во угостителството каде има голем недостиг на кадар. Услужните работници се заменети со роботи. Тестирањето со роботи трае долго време“, вели Хајнеман.
