Во Хрватска расте бројот на компании под странска контрола, односно странска сопственост.
Државниот институт во своето соопштение располага со податоци за 2021 година, а од нив е видлив трендот на раст на сите показатели, иако тоа е период во кој економските активности беа пригушени поради пандемијата, а претприемачите тешко започнаа со нови проекти и инвестиции. Во 2021 година имало 11.038 фирми во странска сопственост, што е 5,1 отсто од сите регистрирани фирми во Хрватска.
Можеби не е импресивен удел, но е значителен раст, бидејќи една година претходно тој удел беше 3,7 проценти. Една година претходно во Хрватска имало 6.700 компании во странска сопственост, во која се и подружниците на странски компании, па тоа покажува дека нивниот број пораснал за речиси 65 отсто, пишува Нови лист.