Вкупниот прилив на странски директни инвестиции (СДИ) на крајот на јули изнесува 515,79 милиони евра, а во исто време одливот на 229,47 милиони евра, покажуваат прелиминарните податоци на Централната банка (ЦБЦГ).
„Нето-приливот на странски директни инвестиции од јануари до јули изнесува 286,32 милиони евра, што е за 40,56 отсто помалку во однос на истиот период лани“, се наведува во Билтенот на ЦБЦГ.
Вкупниот прилив на странски директни инвестиции е намален за 21,88 отсто во однос на споредбениот период.
Од земјата се одлеале 49,23 милиони евра по основ на резидентни инвестиции во странство, а повлекувањата на нерезиденти инвестирани во Црна Гора изнесуваат 180,24 милиони евра.
Приливот на странски директни инвестиции во форма на капитални инвестиции изнесува 319,38 милиони евра, што е 61,92 отсто од вкупниот број. Од нив 259,92 милиони евра се инвестирани во недвижен имот, а 59,46 милиони евра во фирми и банки, пренесе СееБиз.
Приливот на СДИ во вид на меѓукомпаниски долг изнесува 167,14 милиони евра, што е 32,4 отсто од вкупниот прилив.