Годишната стапка на инфлација се искачи на 6,4 отсто во август во земјите на Организацијата за економска соработка и развој (ОЕЦД), од 5,9 отсто во јули, откако падот на цените на енергијата на годишно ниво забави, објави во вторник меѓународната групација.
Годишната инфлација се зголеми во 14 земји на ОЕЦД во август, со девет порасти од 0,5 процентни поени или повеќе, вклучително и Турција, која забележа пораст од околу 10 процентни поени, според податоците на ОЕЦД.
Инфлацијата на енергијата беше негативна на годишна основа во 22 од вкупно 38 земји на ОЕЦД, додека инфлацијата на храната продолжи да се намалува, но со побавно темпо од претходните месеци, останувајќи на 8,8 отсто во август по 9,2 отсто во јули.
„Инфлацијата без храна и енергија (базичната инфлација) беше генерално стабилна на 6,8 отсто во август“, додава ОЕЦД.
Годишната стапка на инфлација беше 4,2 отсто во Г7 во август по 3,9 отсто во јули, 5,2 отсто во еврозоната по 5,3 отсто и 6,3 отсто во групата 20 по 5,8 отсто, соопшти организацијата.