Цените на златото пораснаа во понеделникот бидејќи конфликтот меѓу вооружените сили на Израел и Хамас ја зголеми политичката несигурност на Блискиот Исток, испраќајќи го капиталот во безбедни средства.
Цената на унца злато се зголеми за еден процент цена и се тргуваше за 1.850,70 долари, што е највисоко ниво за една недела.
Кај фјучерсите на американскиот пазар, унца злато се тргуваше по 1,1 отсто повисока цена односно за 1.865,10 долари.
Централната банка на Израел денеска објави дека ќе продаде девизи во вредност од 30 милијарди долари на отворен пазар за да го стабилизира курсот на шекелот за време на вооружениот конфликт со Хамас.
Израелската Централна банка најави и дека ќе обезбеди ликвидност преку СВАП (SWAP) инструментите во износ до 15 милијарди долари.