Германскиот автомобилски гигант Фолксваген основаше заедничка компанија со белгиската групација Умикор што ќе произведува материјали за батерии за електрични возила во Европа.
Новата компанија IONWAY ќе ги снабдува фабриките за батериски ќелии на подружницата на Volkswagen PowerCo во Европа со евтини материјали за производство на батерии, објавија во заедничката изјава VW и белгиската компанија.
VW се надева дека новиот проект ќе ги намали трошоците за електричните возила, пренесува SEEbiz.
– Во соработка со нашиот доверлив партнер Умикор, ќе обезбедиме внатрешна набавка на клучни материјали за производство на ќелии по разумни цени – изјави на крајот на минатата недела извршниот директор на одделот за производство на батерии PowerCo на Volkswagen, Френк Блом.
– Благодарение на безбедниот пристап, PowerCo ќе ја снабдува групацијата Volkswagen со батериски ќелии со конкурентни цени во период од неколку години, овозможувајќи им на своите брендови да им понудат на клиентите атрактивни, достапни електрични возила – нагласи Блом.
Се очекува новата фирма со седиште во Брисел да снабдува материјали за 2,2 милиони електрични автомобили годишно во „зрела“ фаза и да задоволи значителен дел од побарувачката на идните компании за батерии на Фолксваген во Европа, велат компаниите.
Вкупни инвестиции од три милијарди евра
VW и Umikor го најавија проектот пред една година, а до крајот на деценијата имаат намера да инвестираат вкупно три милијарди евра во заедничката компанија.
Функцијата извршен директор на IONWAY му беше доверена на поранешниот менаџер на Умикор, Томас Јансеун, а позицијата финансиски директор на менаџерот на PowerCo, Ахим Холцер.
Фолксваген планира да изгради шест компании за ќелии на батерии во Европа до 2030 година. Првата фабрика почнаа да ја градат во Салцгитер, Германија, а имаат намера да изградат уште една во Шпанија, во близина на Валенсија.
Погоните треба да произведуваат батерии за идниот електричен автомобил на Фолксваген во категоријата најниска цена, кои според плановите на компанијата би требало да чинат помалку од 25.000 евра и да бидат пуштени во продажба во 2026 година.