На Волстрит цените на акциите пораснаа трет ден по ред, бидејќи инвеститорите беа охрабрени од пораките на претставници на американската централна банка дека каматните стапки можеби нема да треба дополнително да се зголемуваат.
Dow Jones зајакна 0,40 отсто, на 33.799 поени, додека S&P 500 порасна за 0,52 отсто, на 4.358 поени, а индексот Nasdaq 0,58 отсто, на 13.562 поени.
Индексот се зголеми трет ден по ред благодарение на зголемениот број претставници на ФЕД кои велат дека каматните стапки можеби нема да треба дополнително да се зголемуваат.
Поради ова, приносите на 10-годишните државни обврзници на САД вчера значително паднаа од највисоките нивоа во последните 16 години, што позитивно се одрази на берзата.
„Сите со едно око го гледаат конфликтот на Блискиот Исток“
Ниту, пак, воениот конфликт на Блискиот Исток, по нападот на палестинската милитантна група Хамас врз Израел, сериозно ги вознемири инвеститорите.
„Сите со едното око го гледаат конфликтот на Блискиот Исток, а со другото што се случува со приносите на обврзниците. Падот на приносите беше главниот двигател на пазарот овој пат“, вели Џон Правен, директор во Палео Леон.
Во наредните денови, инвеститорите ќе се фокусираат на извештаите за потрошувачките и производствените цени, кои ќе покажат како се движела инфлацијата во САД во септември.
Во петок, пак, започнува сезоната на објавување на кварталните деловни резултати на американските компании.
Цените на акциите вчера пораснаа и на европските берзи. Лондонски FTSE индекс зајакна 1,82 отсто, на 7.628 поени, додека франкфуртски DAX скокна за 1,95 отсто, на 15.423 поени, а париски CAC зајакна 2,01 отсто, на 7.162 поени.
