Турција привлече речиси пет милиони странски посетители во октомври, што е за 3,8 отсто повеќе од претходната година, според официјалните податоци објавени во петокот.
Бројката го надмина нивото пред пандемијата од 4,3 милиони странски туристи во октомври 2019 година, јавува Anadolu Agency.
Познатото летувалиште Анталија на турската ривиера забележа најголем број посетители минатиот месец со 1,8 милиони, покажуваат податоците на Министерството за култура и туризам.
Истанбул, најголемиот турски град по население, забележа 1,6 милиони пристигнувања на странски туристи во октомври.
Следат егејската провинција Мугла и северозападната провинција Едрене, која граничи со Бугарија и Грција, со 386.811 и 372.341 странски посетители, соодветно.
Германија го зазеде првото место со удел од 17,3 отсто или околу 860.635 Германци, потоа Русија (13,5 отсто) и Велика Британија (8,9 отсто).