Москва чека Аргентина официјално да се изјасни за своето членство во БРИКС.
Официјален Буенос Аирес сè уште официјално не кажал „не“ за членството на Аргентина во БРИКС, а Русија како претседавач со таа меѓународна организација во 2024 година очекува новата аргентинска влада со новоизбраниот претседател Хавиер Мајли да даде официјална изјава рече заменик-шефот на руската дипломатија Сергеј Рјабков.
„Сите освен Аргентина учествуваа на неодамнешниот состанок на БРИКС. Сепак, Аргентина официјално не кажа „не“ за членството. Тивко и трпеливо чекаме новите власти на земјата да ја објават својата официјална реакција на поканата за членство во БРИКС од 1 јануари. 2024 година“, рече Рјабков, пренесува ТАСС.
На 15-тиот самит на БРИКС во Јоханесбург, Јужна Африка, од 22 до 24 јуни, лидерите на БРИКС се согласија да ги примат Аргентина, Египет, Етиопија, Иран, Саудиска Арабија и Обединетите Арапски Емирати како нови членки, од 1 јануари 2024 година.
Меѓутоа, откако десничарскиот популист и жесток противник на БРИКС Хавиер Мајли беше избран за нов претседател на Аргентина во ноември 2023 година, владата на земјата објави дека ќе одбие да се приклучи на БРИКС.