Турската централна банка ја зголеми основната каматна стапка за 250 базични поени (2,5 отсто) на 42,5 отсто во четвртокот, како што се очекуваше, најавувајќи дека агресивен циклус на затегнување на стапките ќе започне „што е можно поскоро“, бидејќи се соочува со зголемена инфлација.
Банката ја зголеми основната стапка за 34 отсто од јуни, кога турскиот претседател Реџеп Таип Ердоган го назначи поранешниот банкар од Волстрит Хафиза Гаја Еркан за гувернер на централната банка за да спроведе остар пресврт во монетарната политика, пишува Ројтерс.
Централната банка ги зголеми каматните стапки за 500 базични поени во секој од последните три месеци, но минатиот месец рече дека затегнувањето наскоро ќе заврши. Банката посочи дека зголемувањето на каматните стапки е блиску до нивото потребно за задржување на инфлацијата.
Турската централна банка очекува инфлацијата да се зголеми од речиси 62 отсто минатиот месец на 70 до 75 отсто во мај, пред да падне на околу 36 отсто до крајот на следната година.
Претходното инсистирање на Ердоган да ги намали каматните стапки и покрај растот на цените предизвика неколку падови на националната валута и ја турна инфлацијата на највисоко ниво во последните две децении. Ердоган отпушти четворица гувернери на централната банка за краток временски период пред да му даде доверба на актуелниот шеф.