Германскиот производител на автомобили е под притисок, особено во Кина, каде што го загуби лидерството на пазарот.
Фолксваген и челниците на Работничкиот совет договорија мерки за заштеда во износ од 10 милијарди евра во следните неколку години. Идејата е да се обезбеди поздрав развој на компанијата и да се амортизираат помалите профитни маржи, пишува Automotive News Europe.
Мерките исто така вклучуваат забрзување (кратење) на времето на развој и производство, намалување на трошоците за персоналот и спроведување на поефикасна стратегија за набавки. Целта е до 2026 година да се зголеми профитната маржа на 6,5 отсто, наспроти 3,4 отсто во првите девет месеци од оваа година.
VW планира да заштеди 320 милиони евра годишно преку подобра ефикасност во набавките, да генерира повеќе од 250 милиони евра годишно со оптимизирање на постпродажните операции и да заштеди повеќе од 200 милиони евра годишно со подобрување на времето на производство.
Дополнителни 400 милиони евра годишно би се заштедиле со намалување на бројот на возила за тестирање што се користат во техничкиот развој (до 50 проценти), со повеќе дигитални тестирања.
Доколку е потребно, производителот на автомобили може да понуди и договори за селективно раскинување на целата компанија, рече членот на Комитетот за човечки ресурси Гунар Килијан.
Во меморандум до персоналот претходно овој месец, производителот на автомобили рече дека планира да ги намали трошоците за административниот персонал во брендот VW за една петтина, да заштеди милијарда евра до 2028 година со намалување на циклусите на развој на производи од 50 месеци на три години, и да го скрати времето на производство на секое поединечно возило…
VW е првата марка на Volkswagen групацијата која беше подложена на кампања за намалување на трошоците. Производителот на автомобили веќе спроведе замрзнување на вработувањата, отпушти привремени работници и ги намали производствените смени во своите германски фабрики, бидејќи извршниот директор Оливер Блуме има за цел да ја подобри заработката на брендот VW, кој е загрозен од послабата од очекуваната побарувачка за електрични возила.
Германскиот производител на автомобили е под притисок, особено во Кина, каде што го загуби лидерството на пазарот.