Побарувачката за електрични автомобили слабее на клучните пазари, при што некои производители нудат попусти и пониски цени. Неопходно е да се ослободиме од залихите и да се подигнат бројките за продажба, но поради тоа многу производители влегуваат во ризик. Шефот на Stellantis (Peugeot, Fiat, Opel…) и еден од најдобрите менаџери во автомобилската индустрија, Карлос Таварес, ова го гледа како опасен развој на настаните.
– Ако ги намалите цените без да ги земете предвид реалните трошоци, ќе има крвопролевање – сликовито изјави за Фајненшл Тајмс извршниот директор Карлос Таварес.
Неговата компанија е една од најпрофитабилните во индустријата. Другите производители на автомобили би можеле да наидат на проблеми, што ќе ги направи можни цели за преземање.
– Познавам компанија која брутално ги намали цените и чија профитабилност брутално пропадна – рече тој без да навлегува во детали. Набљудувачите на индустријата го гледаат ова како алузија на Тесла.
Автомобилската индустрија влегува во најпредизвикувачката фаза со електричните возила. Имено, по години на стабилен раст, бројките во Европа не се толку оптимистички. Германскиот пазар ќе биде особено предизвикувачки. Имено, локалната власт одлучи да ги укине субвенциите за набавка на електрични возила.