Милијарда луѓе ширум светот живеат во области без електрична енергија. Тојота исто така испорачува возила во тие региони, така што електричните автомобили сами по себе не можат да обезбедат превоз за секого.
Тојота никогаш нема да се префрли само на електрични автомобили – хибридите и водородот ќе играат важна улога во иднината.
„Без разлика на напредокот на електричните автомобили, мислам дека тие сепак ќе имаат пазарен удел од 30 проценти“, вели претседателот на Тојота, Акио Тојода.
По говорот на салонот во Токио, на прашањето како гледа на идните планови на Тојота со електрични автомобили и водород, Тојода изјавил дека одговорот ќе трае четири часа, но сепак решил да одговори за четири минути, пишува Ревијахак.
Многу производители и земји во моментов работат да се префрлат само на електрични автомобили, а ЕУ ќе ја забрани продажбата на електрични автомобили до 2035 година. Тојота има сосема различни амбиции и планови.
„Милијарда луѓе ширум светот живеат во области без струја. Во случајот со Тојота, ние исто така доставуваме возила во тие региони, така што електричните автомобили сами по себе не можат да обезбедат превоз за секого“, рече Акио Тојода.
Хибридите досега беа најуспешната технологија за намалување на емисиите на CO2. Тој вели дека Јапонија е единствената развиена земја која благодарение на хибридите успеала да ја намали емисијата на CO2 за дури 23 отсто и дека медиумите се виновни што ја сокриле оваа информација.
„Тојота според тоа ќе произведува околу 30 проценти од електричните автомобили од околу 10 милиони автомобили што се произведуваат годишно“, тврди Тојода. –
„Останатите 70 проценти ќе бидат хибриди, автомобили со горивни ќелии и водород“, заклучи Тојода.