Акциите на Tesla паднаа за 12 отсто во четвртокот, откако извршниот директор Илон Маск предупреди дека растот на продажбата ќе забави оваа година.
Растот ќе попушти и покрај намалувањето на цените, кои веќе ги нарушија маржите на највредниот производител на автомобили во светот и ја поттикнаа загриженоста на инвеститорите поради слабата побарувачка и конкуренцијата од Кина, рече Маск, пренесе Ројтерс.
Маск рече дека растот ќе биде „значително помал“ бидејќи Tesla се фокусира на поевтино електрично возило од следната генерација што ќе се произведува во фабрика во Тексас во втората половина на следната година и се очекува да предизвика следниот бум во испораките. Според Маск, зголемувањето на производството на новиот модел би било предизвик, бидејќи ќе вклучува најсовремени технологии.
Акциите на Tesla во четвртокот ја претрпеа најголемата дневна процентуална загуба за повеќе од една година, со пазарна вредност од 80 милијарди долари. Тоа ја турна едномесечната загуба на пазарната капитализација на компанијата на 210 милијарди долари.
Фото: facebook