Турција во 2023 година имала 49,2 милиони странски туристи, што е за 10,4 отсто повеќе од претходната година, објави во средата Министерството за култура и туризам.
Бројката го надмина нивото пред пандемијата од 45 милиони во 2019 година, покажуваат податоците на Министерството, јавува Anadolu Agency.
Истанбул, најголемиот град во Турција по население, беше најголемата туристичка атракција, привлекувајќи 17,4 милиони странски посетители минатата година.
Познатото одморалиште Анталија на турската ривиера го зазеде второто место со 14,8 милиони странски посетители во 2023 година.
Следат северозападната провинција Eдрене, која се граничи со Бугарија и Грција, и Мугла со 4,7 милиони и 3,3 милиони туристи, соодветно.
Русите сочинуваат 12,8 отсто од сите странски посетители, или 6,3 милиони, што е зголемување од 20,7 отсто во однос на претходната година.
Следат Германците со 6,2 милиони (раст од 9 отсто на годишно ниво), Британците со 3,8 милиони (раст за 12,8), Бугарите со 2,9 милиони (раст за 0,4) и Иранците со 2,5 милиони (раст од 7,4 отсто).
Посебни податоци од Турскиот статистички институт (TurkStat) покажаа дека турскиот приход од туризмот пораснал за 16,9 отсто на годишно ниво на 54,3 милијарди долари во 2023 година.
Во декември 2023 година, странските пристигнувања во Турција се зголемија за 3,5 отсто на годишно ниво, на 2,5 милиони.