Огромното мнозинство милијардери во Америка спаѓаат во две групи: или основале свои компании или се наследници чие богатство е резултат на чиста среќа. Сепак, постои и мала група на поединци кои се вработени на позиции во туѓи компании и благодарение на овие работни места станаа едни од најбогатите луѓе во светот.
Ако замислите како изгледа типичен милијардер, веројатно мислите на некој како Марк Цукерберг или Џеф Безос – кои изградиле свои империи – или наследници како Жаклин Марс, внука на основачот на Марс или Томас Прицкер, чии предци го основале Синџирот хотели Хајат чиј што тој денес е извршен директор.
Околу 69 отсто од вкупно речиси 760 американски милијардери на листата на Форбс припаѓаат на првата категорија, додека нешто повеќе од 27 отсто го наследиле своето големо богатство. Вкупно, речиси 97 отсто од американските милијардери припаѓаат на овие две групи.
Постои и трета, најретка категорија: оние кои не се ниту основачи, ниту наследници. Да ги наречеме работници милијардери или корпоративни милијардери. Форбс пронашол само 26 луѓе кои добиле работа во некои компании, понекогаш на помлади позиции, понекогаш како извршни директори, кои станале милијардери. Тие ултра богати вработени работат – или работеле – во само 20 компании, од кои речиси сите се технолошки или инвестициски фирми. Меѓу најпознатите од нив се извршниот директор на Apple, Тим Кук, извршниот директор на JPMorgan Chase, Џејми Димон и Џонатан Греј, кој беше ангажиран од Blackstone во 1992 година по дипломирањето на колеџот, за да биде именуван за претседател на компанијата во 2018 година.
Најбогатиот човек кој стана милијардер, а кој не е основач на компанијата, е студентски пријател на Бил Гејтс, Стив Балмер. Тој се вработи во Мајкрософт во 1980 година како 40-ти вработен и ја водеше компанијата како извршен директор помеѓу 2000 и 2014 година. Најновата членка на оваа елитна групација е извршната директорка на компанијата за чипови AMD, Лиза Су, која неодамна стана милијардерка откако цената на акциите на AMD порасна. Су е една од петте жени на оваа листа. Другите вклучуваат Џејшри Улал од Arista Networks, Мета КОО Шерил Сандберг и Мег Витман, поранешната извршна директорка на eBay која ја однесе компанијата од 5,7 милиони долари приход во 1998 година на 5 милијарди долари приход во 2008 година. и во тој процес – во 2003 година – стана милијардер, пишува Форбс.хр.