Германскиот министер за труд Хубертус Хајл се залага за поинтензивно вработување на жени, постари лица и странци, бидејќи земјата страда од сè посериозен дефицит на квалификувана работна сила.
„Доволна професионална работна сила е гаранција за благосостојба“, изјави Хејл за ДПА во понеделникот. „Во моментов се вработени повеќе луѓе од кога било досега, повеќе од 46 милиони, но ни требаат повеќе експерти и квалификувана работна сила за да го искористиме потенцијалот на третата економија во светот.
Тоа значи искористување на сите ресурси, така што „поголем дел од жените, … постарите и лицата со попреченост меѓу вработените“, рече Хејл пред отворањето на еднодневниот владин конгрес на тема работна сила.
Покрај тоа, станува збор и за обука и преквалификација на млади луѓе кои немаат завршено училиште или професија, како и „стекнување паметни глави и вредни раце од странство“ за работа во Германија, продолжи министерот.