Стапката на невработеност во земјите на Организацијата за економска соработка и развој (ОЕЦД) во март остана непроменета шести месец по ред на 4,9 отсто, покажуваат податоците објавени во четвртокот.
Во март 15 земји на ОЕЦД забележаа стапка под или еднаква на пет проценти, вклучувајќи ги Германија, Јапонија, Мексико и САД, објави париската групација, пренесува Anadolu Agency.
Бројот на невработени во ОЕЦД се зголеми на 34,2 милиони во март од 33,9 милиони во февруари, пред се поради зголемувањето на бројот на невработени жени, се наведува во соопштението.
Стапката на невработеност кај жените во ОЕЦД се зголеми за 0,7 процентни поени во однос на еден месец претходно на 5,3 отсто во март, додека стапката на мажите беше главно стабилна.
Во текот на март, стапката на невработеност кај младите на ОЕЦД (на возраст од 15 до 24 години) беше стабилна на 10,9 отсто во месецот.