Реплек АД Скопје е котирано друштво на Берзата кое преку Системот за електронски информации на котираните акционерски друштва на Берзата (СЕИ Нет) на 17.05. објави менаџерско обраќање во врска со ревидираните годишни извештаи на друштвото.
Реплек АД Скопје ја заврши 2023 година со значителни успеси, демонстрирајќи раст во продажбата и зајакнување на својата позиција на домашниот и меѓународниот пазар.
М-р. Душан Пецовски, Генерален директор и претседател на Управниот одбор, во своето видео обраќање ги презентира клучните финансиски резултати на компанијата, вклучувајќи рекорден раст на приходите и профитабилноста. Пецовски исто така ги истакнува инвестициите во иновации и одржлив развој, стратегиите за глобално проширување, како и посветеноста на Реплек кон високи стандарди за квалитет и корпоративна одговорност.
Берзата ги поттикнува сите котирани друштва при објавата на ревидираните финансиски извештаи за 2023 година преку СЕИ-Нет да објават менаџерско обраќање и преку синтетизирани податоци и видувања за своето работење презентирани од страна на топ менаџментот да придонесат за поголема информираност на инвеститорите и јавноста.