Потрошувачите во еврозоната очекуваат цените да пораснат многу посилно од платите во пролетта следната година, во услови на благ пад на економската активност, покажува најновото истражување на Европската централна банка (ЕЦБ).
Пролетта идната година годишната стапка на инфлација ќе изнесува 2,9 отсто, проценуваат потрошувачите во истражувањето спроведено во април и ќе биде само малку поблага од почетокот на 2025 година. До пролетта 2027 година би требало да се намали на 2,4 отсто , покажува средната проценка, што значи дека според оценката на граѓаните, ЕЦБ нема да ја достигне целната стапка на инфлација од два отсто и за три години.
Пресметките на Европскиот завод за статистика покажаа дека инфлацијата мерена со хармонизираниот индекс на потрошувачки цени (HICP) го достигна тоа ниво веќе во март и дека цените пораснаа со исто темпо во април. Евростат треба да објави проценка за мајската инфлација на крајот на неделата. Според проценките на потрошувачите, номиналните плати до пролет следната година треба да се зголемат за 1,3 отсто, а номиналната потрошувачка за 3,6 отсто.
Во истиот период економијата на еврозоната треба да се намали за 0,8 отсто, нешто поблаго отколку што досега очекуваа граѓаните. Стапката на невработеност треба малку да порасне, на 10,9 отсто.
Во истражувањето на ЕЦБ учествуваа околу 19.000 граѓани од 11 земји од еврозоната, вклучувајќи ги Белгија, Германија, Шпанија, Франција, Италија и Холандија, Ирска, Грција, Австрија, Португалија и Финска.