Соединетите Американски Држави го забавија издавањето дозволи за извоз на компании како Nvidia и AMD (Advanced Micro Devices) за големи испораки на чипови со вештачка интелигенција на Блискиот Исток поради безбедносни причини, пишува Bloomberg повикувајќи се на анонимни извори.
Според извештаите, американските власти во моментов вршат преглед на националната безбедносна стратегија за развој на вештачка интелигенција (ВИ) на Блискиот Исток.
Не е јасно колку долго ќе трае овој преглед, ниту која е точната дефиниција за „голема пратка“ чипови кои имаат огромни капацитети да го искористат потенцијалот на вештачката интелигенција.