Многу земји од Европската унија се борат да ги интегрираат украинските бегалци на домашниот пазар на труд, објави Институтот за истражување на пазарот на труд (ИАБ).
Германија на почетокот на годината имаше стапка на интеграција од 27 отсто. Најдалеку отиде Литванија со 57, пред Данска и Полска со 53 и 48 отсто.
Назад се Финска, Норвешка, Романија и Шпанија, со стапка на интеграција на бегалците од Украина помала од 20 отсто.
Земјите кои бараат нискоквалификувана работна сила имаат повисоки стапки на вработеност“, вели Јулија Косјакова од ИАБ. Таквите работни места бараат помалку јазични и други вештини и се пополнуваат побрзо, известува Investitor.
Во земјите со висока невработеност, конкуренцијата за отворени работни места е жестока, што ја отежнува интеграцијата.
Германија го усвои принципот „јазикот прв“, нагласувајќи го долгорочниот пристап кон интеграцијата, што на краток рок ја намалува стапката на вработеност кај бегалците.
„Искуството на Германија со бегалците помеѓу 2013 и 2019 година покажува дека инвестирањето во образованието ги зголемува шансите за вработување и одржливоста на интеграцијата на среден и долг рок“, рече Тереза Кох, истражувач на ИАБ.
Според официјалните податоци, повеќе од еден милион Украинци, главно жени и деца, побегнале во Германија по војната.
135.000 од нив имале работа во април, а уште 112.000 посетувале курс за интеграција, кој првенствено е наменет за изучување на германски јазик.
