Светската трговска организација (СТО) малку ја зголеми својата прогноза за обемот на глобалната трговија оваа година и рече дека очекува дополнителен раст од три проценти во 2025 година, под услов конфликтите на Блискиот Исток да бидат контролирани.
Глобалната трговија закрепна оваа година од падот во 2023 година, кој беше предизвикан од високата инфлација и зголемените каматни стапки, се вели во извештајот на СТО. Во април оваа организација предвиде раст на обемот на трговијата од 2,6 отсто, а сега ја зголеми прогнозата на 2,7 отсто во тековната година, пренесува Ројтерс.
„Очекуваме постепено закрепнување на глобалната трговија во 2024 година, но остануваме внимателни за можните пречки, особено за потенцијалната ескалација на регионалните конфликти, како оние на Блискиот Исток“, рече генералниот директор на СТО, Нгози Оконџо-Ивела.
Најголемото влијание може да има на земјите кои се директно засегнати, но исто така може да има индиректен ефект врз глобалните трошоци за енергија и трговските патишта. Неодамнешните акции на Израел против либанскиот Хезболах, по едногодишната војна против Хамас во Газа, ги зголемија стравувањата од неизбежно ширење на конфликтот на поширокиот Блиски Исток.
