Италијанскиот производител на луксузни спортски автомобили Ламборџини во средата објави приходи за девет месеци кои се зголемија за 20% на 2,43 милијарди евра (2,60 милијарди долари), поттикнати од солидните заостанати нарачки и силната побарувачка кај сите модели.
Компанијата испорача 8.411 автомобили во првите девет месеци од 2024 година, што е зголемување од 8,6% во споредба со истиот период минатата година, кога за прв пат надмина 10.000 испораки.
Ламборџини, дел од германската групација Фолксваген, објави и скок на оперативната добивка (ЕБИТ) од 9,8 отсто на 678 милиони евра.
Главниот извршен директор Стефан Винкелман изјави дека производителот на автомобили бил засилен со воведувањето на три нови модели во изминатите 18 месеци.
„Нашите резултати од третиот квартал дополнително ги зајакнуваат очекувањата за уште една рекордна година, уште еднаш потврдувајќи ја нашата позиција меѓу најпрофитабилните брендови во луксузниот сегмент“, рече финансискиот директор Паоло Пома во изјавата.
