Вредноста на биткоинот денеска се искачи на новото највисоко ниво од 82.000 долари, покажуваат податоците на берзата.
Во 12:45 часот, Биткоинот беше продаден за 82.015,19 долари на најголемата берза за криптовалути Binance, додека неговата вредност во исто време на берзата Коиндеск беше уште поголема и изнесуваше 82.149,47 долари.
Крипто-пазарите позитивно реагираа на победата на Доналд Трамп на претседателските избори во Соединетите Американски Држави, а бранот на многу добро расположение кај инвеститорите се уште е присутен, јавува CNBC.
