Индустријата сега е на критичен момент и се соочува со големи предизвици поврзани со производството, вработувањето и конкуренцијата на глобалниот пазар…
Некои земји од Европската унија се против примената на регулативата која предвидува од 2035 година на тој пазар да се продаваат само возила без штетни гасови. И покрај ова противење, Европската комисија продолжува со спроведувањето на оваа одлука. Една од земјите што се противи на неговата примена е Италија. Ова не е првпат тоа да го бара извршната власт предводена од Џорџија Мелони. Италија е загрижена дека прекинот на продажбата на автомобили на бензин во Европа може да значи крај на индустријата бидејќи електрификацијата ја отвора вратата за поголемо кинеско присуство, пишува ревија ХАК.
Според Блумберг, италијанската влада ќе подготви нацрт жалба. Поточно, во барањето меѓу другото е поместено преиспитувањето на одлуката за укинување на возилата со мотори со внатрешно согорување што Европската комисија ќе ја спроведе во 2026 година, да се помести за 2025 година. Тој очекува да се одложи одлуката за 2035 година и да се забрзаат параметрите за усвојување на синтетичките горива.
– Индустријата сега е во критична пресвртница и се соочува со големи предизвици поврзани со производството, вработувањето и конкуренцијата на глобалниот пазар, кои бараат итна и координирана акција на ниво на ЕУ. Конкурентноста на европската автомобилска индустрија мора да остане централна цел на политиката во регионот – се наведува во споменатиот нацрт на италијанскиот документ.
