Регионот на ЦИЕ се соочи со невидени економски предизвици во 2023 година, комбинација на висока инфлација и ослабена побарувачка на потрошувачите, што влијаеше дури и на најголемите компании. Сепак, и покрај овие пречки, многу компании успеаја да го одржат својот промет, покажувајќи издржливост во предизвикувачки околности, покажува најновата студија на Coface, која ги рангираше 500-те најголеми компании од овој регион. Нивната листа беше објавена во публикацијата Coface CIE Top 500.
Вкупниот промет на сите 500 компании благo е зголемен за 2,5 отсто и достигна 1,1 милијарда евра. Вкупната нето добивка, пак, падна за 17,4 отсто, на 44.909 милиони евра. Дополнително, овие компании вработиле 2,4 милиони луѓе, што претставува раст од 1 процент во однос на претходната година.
Полска продолжува да доминира на рангирањето, додека ПКН Орлен ја зацврстува својата водечка позиција благодарение на зголемувањето на прометот од 34 отсто, по минатогодишното забрзување од дури 111 отсто. На второ место е чешката компанија Škoda Auto, додека трета е мултинационалната компанија за нафта и гас MOL од Унгарија. Следуваат полскиот трговец Џеронимо Полска, полската енергетска компанија PGE и унгарската MVM Energetika. Од нив само унгарските компании забележаа пад на прометот, додека останатите остварија повисоки приходи од претходната година.
По три години, автомобилскиот и транспортниот сектор се најде на врвот на листата, со 16,8 отсто зголемување на прометот и 40,8 отсто зголемување на нето добивката, резултат на подобрената продажба на автомобили.
Полските компании сè уште го имаат приматот и на топ 500 листата на компании има дури 184 од оваа земја. Следува Чешка со 69 компании, Унгарија со 64 и Романија со 54, додека останува под бројката од 30. Србија со своите 15 компании ги дели осмата и деветтата позиција со Хрватска, меѓу 12-те набљудувани земји.
Ова се само некои од клучните детали од објавената студија. Сите други информации може да се добијат со едноставно преземање на публикацијата на веб-страницата на Coface.
