Бројот на банкроти на компании во Германија го достигна нивото забележано за време на светската финансиска криза во 2009 година, објави Институтот за економски истражувања од Хале (IWH).
Шефот на истражувањето на темата банкроти, Штефен Мулер, рече дека нивниот број во одредени месеци би можел да достигне највисоки нивоа во последните 20 години.
„За време на финансиската криза во 2009 година бележевме околу 1.400 стечаи месечно. Сега повторно стигнавме до тоа ниво“, истакна тој.
Работите да бидат уште полоши, Мулер појасни дека во 2009 година половина од вкупниот број несолвентни компании биле микро-претпријатија со не повеќе од десет вработени, а денес ги има околу 500, додека мнозинството се поголеми компании чии стечајни постапки „губат поекономична суштина“.
Кредитната агенција Creditreform во декември објави дека бројот на банкроти на германски компании во 2024 година е на највисоко ниво од 2015 година и дека се регистрирани вкупно 121.300 стечајни постапки, во кои спаѓаат и личните стечаи. Тоа е за 10,3 отсто повеќе во однос на претходната година.
Според Патрик Лудвиг Хантцаш , шефот на економските истражувања во Creditreform, кризите што ја погодија германската економија во последниве години ги погодуваат компаниите со задоцнување во форма на банкрот, пренесува Хина.
„Ова значи дека бројот на банкроти наскоро би можел да се изедначи со рекордните нивоа од 2009 и 2010 година, кога банкротираа повеќе од 32.000 компании“, предупреди тој.
Покрај последиците од пандемијата и енергетската криза, компаниите се борат и со повисоки каматни стапки откако со години можеа да ги уживаат придобивките од евтиното финансирање.
За 2024 година, IWH предвидува контракција на германската економија од 0,2 отсто, а за оваа година предвидуваат раст од 0,4 отсто. Интересно е што на подрачјето на Источна Германија се очекува економски раст од 0,5 отсто и лани и оваа година.