Бројот на продажби на недвижности, во просек, во половина од 14-те земји-членки на Европската унија кои дадоа податоци за вториот квартал од 2024 година во однос на истиот квартал од 2023 година, бележи намалување, но се зголеми во втората половина.
Во вториот квартал од 2024 година, бројот на продадени станови е намален во седум земји, покажуваат податоците на Европската статистичка служба – Евростат. Најголем пад е забележан во Австрија (20,5 отсто), Словенија (пад од 19,7 отсто), Ирска (пад од 18,1 отсто) и Франција (пад од 14,6 отсто). Се зголеми во седум земји, а најголем раст е забележан во Луксембург (26,3 отсто) и Унгарија (21,7 отсто).
Во 2023 година, во споредба со 2022 година, бројот на трансакции со станови е намален во 13 од 16-те земји на ЕУ за кои се достапни податоци. Најголем пад е забележан во Луксембург (пад од 43,3 отсто), Австрија (пад од 27,4 отсто) и Унгарија (пад од 27 отсто), додека раст е забележан во Кипар (31 отсто), Полска (3,9 отсто) и Ирска (0,6 отсто).