Уставниот Суд на денешната седница со мнозинство гласови донесе одлука да го поништи т.н. Законот за Солидарност.
Оваа одлука значи дека сега државата е должна 50 милиони евра да им врати на 156 компании кои беа оданочени на крајот на 2023 година. Законот опфаќаше компании кои во 2022 година оствариле вкупен приход поголем од 10 милиони евра.
Главната цел на овој данок беше да се соберат средства за ублажување на економските последици од кризата, како и да се допринесе на јавните расходи на солидарен начин. Иницијативите за оценување на уставноста на законот беше поднесена од страна на неколку компании.